நிர்வாகப் பணியில் அதிகாரம் என்பது மேசை, கையொப்பம், கோப்பு என மட்டும் முடிவதில்லை. அது மக்களின் வாழ்க்கையை நேரடியாகத் தொடும் போது, அந்த அதிகாரி எப்படிப் பணியாற்றுகிறார் என்பதே ஆட்சியின் உண்மையான முகமாக மாறுகிறது. அத்தகைய ஒரு நேர்மையான, மக்களோடு நெருக்கமாக வாழும் அதிகாரியாக விளங்குபவர், அனைவராலும் அன்புடன் PK அழைக்கப்படும் தற்போதைய தஞ்சை மாவட்டம் திருச்சிற்றம்பம் வட்டார வளர்ச்சி அலுவலர் திரு. பி. கலியபெருமாள்,
கல்வி என்பது இவரின் வாழ்க்கையின் அடித்தளம். M.Sc., B.Ed. படித்த இவர், அரசு பணிக்கு முன்பு 20 ஆண்டுகளுக்கும் மேலாக தனியார் பள்ளியில் ஆசிரியராக பணியாற்றியவர். அந்த காலகட்டத்தில் அவர் கற்பித்தது பாடங்கள் மட்டும் அல்ல, மாணவர்களின் கனவுகளையும் வழிநடத்தியவர். மருத்துவர், பொறியாளர், உயர்மதிப்புடைய தொழில்களில் இன்று நிற்கும் பலரின் பின்னணியில், PK என்ற ஆசிரியரின் அர்ப்பணிப்பு மறைந்திருக்கிறது.
அவரது வாழ்க்கைப் பாதை எளிதானது அல்ல. தந்தை திரு. பன்னீர்செல்வம், வட்டார வளர்ச்சி அலுவலகத்தில் அதிகாரியாக பணியாற்றியபோது, பணியின் போதே மறைந்தார். அந்த துயரமான தருணத்துக்குப் பின்னர், கருணை அடிப்படையிலான திட்டத்தின் மூலம் அரசு சேவையில் இணைந்தவர் பி. கலியபெருமாள். தந்தையின் நேர்மை, பொறுப்புணர்வு ஆகியவற்றை தன் வாழ்வின் வழிகாட்டியாகக் கொண்டே இவர் முன்னேறி இன்று வட்டார வளர்ச்சி அலுவலர் என்ற இடத்தை அடைந்திருக்கிரார்.
முக்கியமாக கலைஞர் கனவு இல்லம் திட்டம் போன்ற முக்கியமான அரசுத் திட்டங்களில், அவர் நிலத்தடி மட்டத்தில் நேரடியாகச் சென்று பணியாற்றுவது அவரது தனிச்சிறப்பு. பயனாளர்களிடமிருந்து ஒரு ரூபாய் கூட லஞ்சம், கமிஷன் அல்லது எந்தப் பெயரிலும் கொள்ளையடிக்கப்படக்கூடாது என்பதில் அவர் காட்டும் கடுமையும், கண்காணிப்பும் மக்கள் மத்தியில் பெரும் நம்பிக்கையை உருவாக்கியுள்ளது. “அரசுத் திட்டம் மக்களுக்கே” என்ற தத்துவத்தை அவர் செயலில் நிரூபிக்கிறார்.
அதிகாரி என்ற அகம்பாவம் இல்லாமல், எளிதில் அணுகக்கூடியவர், மக்களுடன் பேசக்கூடியவர் என்பதே PK-யின் மற்றொரு பலம். அலுவலகத்திற்குள் மட்டுமல்ல, கிராமங்களிலும், பயனாளர்களின் வீடுகளிலும் அவரை காண முடிகிறது. மக்கள் குறைகளை நேரடியாகக் கேட்டு, உடனடி தீர்வு காண முயலும் அவரது அணுகுமுறை, நிர்வாகத்தில் மனிதநேயத்தை மீண்டும் கொண்டு வந்துள்ளது.
ஆசிரியர் மனம் அவரை இன்னும் விட்டுச் செல்லவில்லை. இன்று மாணவர்களுக்குப் பதிலாக, சக ஊழியர்களுக்கு அரசுத் திட்டங்கள், தேர்தல் பணிகள், நிர்வாக பொறுப்புகள் குறித்து பயிற்சி அளித்து, வழிகாட்டுகிறார். அனுபவத்தை பகிர்ந்து, குழுவை வலுப்படுத்தும் இந்தப் பண்பு, ஒரு சிறந்த தலைமைக்கான அடையாளம்.
“நீதியின் நுண்ணறிவு” சார்பாக, வட்டார வளர்ச்சி அலுவலர் திரு. பி. கலியபெருமாள் (PK) அவர்கள், இதே நேர்மை, நேர்த்தி, துணிச்சல் மற்றும் செயல்திறன் கொண்ட பணியாற்றலை தொடர்ந்து,
அரசுப் பணியில் மனிதநேயமும், நேர்மையும் இன்னும் உயிருடன் இருக்கிறது என்பதற்கான சாட்சிகளில் ஒருவர் PK. மக்களின் நம்பிக்கையின் சின்னமாக நீடிக்க வேண்டும் என மனப்பூர்வமாக வாழ்த்துகிறோம்.
