விருகம்பாக்கம் சார்பதிவாளர் அலுவலகம் அள்ளி குவிக்கும் பணக்கட்டுகள் … , புரோக்கர்கள் கெடுபிடியால் பரிதவிக்கும் அப்பாவி பொதுமக்கள், தட்டி தூக்க யார் வருவார் !!.

சென்னை, விருகம்பாக்கம் தலை நகரின் அடையாளங்களில் ஒன்று இப்பகுதியில் உள்ள இடங்களில் வணிக வளாகம், அடுக்குமாடி குடியிருப்பு, பங்களா வீடுகள், விரிவாக்கம் மனைகள் என பல்வேறு காரணங்களுக்கும் இடம், விற்க வாங்க வேண்டும் என்றாலும் பத்திரப்பதிவுகள் எதுவும் பதிய வேண்டும் என்றால் விருகம்பாக்கம் சார் பதிவாளர் அலுவலகத்தை நாட வேண்டும் ஆகையால் எப்போதும் விருகம்பாக்கம் சார்பதிவாளர் அலுவலகத்தில் கூட்டமாகவே இருக்கும்

விருகம்பாக்கம் சார்பதிவாளர்  அலுவலகம் சர்ச்சைக்குரிய சூழ்நிலைக்குள் சிக்கியுள்ளது. பொதுமக்கள் எளிதாக சொத்து பதிவு செய்ய அரசு பல ஆன்லைன் வசதிகளை அறிமுகப்படுத்தியிருந்தாலும், தரை மட்டத்தில் நிலைமை மாறவில்லை என குற்றச்சாட்டுகள் எழுகின்றன.

தொடர்ந்து அதிர்ச்சி தகவல்கள் வெளியாகி வருகின்றன. சாதாரணமாக ₹30,000 என்று தொடங்கும் “பதிவாளருக்கு கொடுக்க வேன்டிய செலவு” என்ற பெயரில் பத்திர எழுத்தர்களால் கேட்கப்படும் லஞ்சத் தொகை, சொத்தின் மதிப்பை பொறுத்து பல மடங்கு உயர்ந்து, சில நேரங்களில் ஒரு லட்ச ரூபாய் வரை சென்றடைகிறது என பாதிக்கப்பட்டவர்கள் கூறுகின்றனர்.

சிறிய அளவிலான நிலம் அல்லது வீட்டு பதிவு என்றாலும் கட்டாயமாக ஒரு நிர்ணய தொகை. ஆனால் கோடிக்கணக்கான மதிப்புள்ள சொத்துகளுக்கு பதிவு செய்யும்போது, லஞ்சத் தொகையும் அதற்கேற்றவாறு உயர்த்தப்படுவதாக குற்றச்சாட்டு எழுகிறது. இதற்கு மேலாக, பதிவு ஆவணத்தின் நகல் பெற 10,000 வரை கூடுதல் தொகை வசூலிக்கப்படுவதாகவும் கூறப்படுகிறது.

இந்நிலையில், தினமும் சார்பதிவாளர் அலுவலகத்தில் காணப்படும் கூட்டத்தை பார்த்தால், இந்த “லஞ்ச வசூல்” மூலம் ஒரு நாளில் பத்திர எழுத்தர் எத்தனை லட்சங்கள் பார்கிறார் என்ற கேள்வி தானாகவே எழுகிறது. அரசு நிர்ணயித்த கட்டணங்களைத் தவிர்த்து, மக்கள் கட்டாயப்படுத்தப்பட்டு கூடுதல் தொகை செலுத்த வேண்டிய நிலை நீடித்தால், அது வெளிப்படைத்தன்மைக்கும் சட்டத்திற்கும் எதிரானதாகும்.

அரசு டிஜிட்டல் பதிவு, ஆன்லைன் முன்பதிவு, நேரடி கட்டண செலுத்துதல் போன்ற வசதிகளை அறிமுகப்படுத்தி, இடைத்தரகர்களின் ஆதிக்கத்தை குறைப்பதே நோக்கம் என அறிவித்தது. ஆனால் தரை மட்டத்தில் இத்தகைய குற்றச்சாட்டுகள் எழுவது, நடைமுறையில் கண்காணிப்பு பலவீனமா என்ற சந்தேகத்தை ஏற்படுத்துகிறது.

மக்கள் கேட்பது எளிய கேள்விதான் – இத்தகைய குற்றச்சாட்டுகள் மீது அரசு துரிதமாக நடவடிக்கை எடுக்குமா? சம்பந்தப்பட்ட அதிகாரிகள் மீது விசாரணை நடைபெறுமா?

பதிவு அலுவலகம் என்பது ஒரு குடும்பத்தின் வாழ்நாள் சேமிப்புடன் தொடர்புடைய இடம். அங்கு ஊழல் நிழல் நீடித்தால், அது மக்களின் நம்பிக்கையை சிதைக்கும். குற்றச்சாட்டுகள் உண்மையாக இருந்தால், பொறுப்புக்கூற வேண்டியது அவசியம். அரசு தக்க நடவடிக்கை எடுத்து, பதிவு செயல்முறையில் முழுமையான வெளிப்படைத்தன்மையை உறுதி செய்ய வேண்டியது காலத்தின் கோரிக்கையாக உள்ளது.இவர்கள் மீது நடவடிக்கை எடுப்பாரா பத்திரபதிவு துறை ஐ.ஜி. திணேஷ் பொன்ராஜ் ஆலிவர்..